Os procesos de recuperación en mascotas soen ser abraiantemente rápidos, se os comparamos cos humanos. Porén, hai convalecencias inevitables (enfermidades víricas, intoxicacións, traumatismos, posoperatorios...) que precisan dunha atención e coidados veterinarios a reo, e que as veces abranguen varios días. Para os animais que requiran hospitalización en TeoVet dipoñemos dunha área, con gaiolas individuais de seguridade onde poden recuperarse en acougo. Un espazo completamente insonorizado, dotado de instrumentario sanitario, climatizado e aséptico, e cos mellores coidados garantidos.

De xeito xenérico pódese concluír que a hospitalización é necesaria cando un animal require medicación e hidratación intravenosa contínua e unha estricta observación que avalíe e preveña complicacións e riscos serios para a súa saúde. Cando un paciente o precisa, a atención que lle pode dispensar o equipo veterinario non se limita en exclusiva ás horas en que a clínica está operativa e aberta ós clientes, senón que a maioría das veces os coidados e paliativos ocupan as 24 horas do día.